Dr ZedereBaum isch en Baum wo mi enorm fasziniert, i bi dra ne selber zmole, duret no chli bis er de ganz fertig isch.
Es isch en königliche Baum wo bis 2000 Johr alt cha werde, u gueti 30 Meter höch wird. S Holz isch für fürstlichi und königlichi Baute brucht worde, für Möbel, Schiff und Schmuck.
Me vermuetet, dass ZedereÖl s ersti BaumÖl isch wo me brucht het zum heile. Es wirkt antiseptisch, löst Schleim u Krämpf, stärkt also d Lunge, wirkt au als SchutzÖl vor allerlei Insekten.
S Öl het e wärmendi u harmonisierendi Wirkig.
Me seit, s Öl u d Kraft vom Baum hälfi dr eigeti Platz z finde, sich chönne z behoupte im Lebe, wirkt beruheigend uf d Psyche, vertriebi Angst u lösi Spannige. Dr warmi Duft beruheigt u hilft tröste i schwierige Lebenslage. Es hilft beharrlich z bliebe, sich neu z orientiere u sech liechter chönne uf neui Situationen i z lo.
D Energie vo dem Baum stärkt üsi Wurzle im Lebe, u hilft d Verbindig zum Göttleche z fördere u stärke.
I finde de Baum het alles was do i dere Praxis wett chönne umgsetzt si, um d Mensche wo do ane chöme, chönne z stärke i Ihrem Vertaue zu sich selber.
Ich ruhe zentriert und stark in mir und handle aus meiner Mitte
Das isch d Botschaft vom ZedereBaum
Margot Weber, im Mai 2017
Kinesiologie | KörperArbeit | Geburt & Trauma Therapie | SystemAufstellungen | WorkShops
Margot Weber | Praxis : Unterbiberiststrasse 33, 4562 Biberist| +41 76 409 45 63 | MargotWeber@gmx.ch
Diese HomePage wurde aktualisiert am : Donnerstag, den 12. Dezember 2024